Genesis 36

Esau ko kuriang numasari

1Imi Esau ko kuriang numasari. (Esau ko nup bo Edom.)

2Esau Canaan imet ilagala suwan nunga giam: bo Adah, nu Elon, Heth kari, wore ko nanawus. Bo Oholibamah, nu Anah ko nanawus. Anah mu Zibeon, Hivi kari, wore ko kuriang. 3Se bo Basemath, nu Ishmael ko nanawus, se Nebaioth ko koras.

4Adah Esau ko kuriang Eliphaz iluwam, se Basemath Reuel iluwam. 5Se Oholibamah Jeush se Jalam se Korah nunga iluwam. Esau Canaan baga se ko kuriangari umu bilangaman.

6Esau Jacob ilak wete Canaan sor te bagakasan. Bare nononga sipsip bulmakau mel suen biya nunguningkiri, se kuwim mu nuna ilagala te bagomonko me terong. Se Esau barasam, ko imet kuriang, ko kariimet, ko bulmakau sipsip mel, se mel suen la nu Canaan sor te giam mu ago, ko uria Jacob beteram, 8ale sor bo kigilik te nama daigam, sor duruk ago, ko nup Seir, wore te namaram daigam.

9Esau ko nup bo Edom, se ko kuriang, imas, taleng girigir, mu Edom alo masan.

10Esau ko imet Adah mu kuriang kari suwanta ilu tuam, Eliphaz. 11Se Eliphaz ko kuriang 5: Teman, Omar, Zepho, Gatam se Kenaz.

12Se Esau ko imet bo, nup Timna, mu kuriang bo kari tala iluwam, nup Amalek.

Esau ko imet Basemath mu kuriang suwanta ilu tuam, Reuel. 13Se Reuel ko kuriang kari 4: Nahath, Zerah, Shammah, se Mizzah.

14Esau ko imet Oholibamah mu kuriang kari ilagala suwan nunga iluwam: Jeush, Jalam, se Korah. Oholibamah mu Anah ko kuriang. Se Anah mu Zibeon ko kuriang.

15Esau ko kuriang numasari nomoke nomoke nunga kariimet nunga supuling bagakasan. Imi Esau ko kuriang laun Eliphaz mu ko kuriang: Teman, Omar, Zepho, Kenaz, Korah, Gatam, se Amalek. Mu nuna Esau Adah ilak nunga nunumas ari.

17Imi Esau ko kuriang Reuel mu ko kuriang: Nahath, Zerah, Shammah, se Mizzah. Mu nuna Esau Basemath ilak nunga nunumas ari. 18Imi Esau ko imet Oholibamah, Anah ko nanawus, wore ko kuriang: Jeush, Jalam, se Korah. 19Kariimet motam imi mu suen la Esau ko gue te arataman.

Seir ko kuriang numasari

20Kariimet motam la Edom sor te bagakasan mu Seir, Hor kari, wore ko kuriang numasari. Imi Seir ko kuriang kari: Lotan, Shobal, Zibeon, Anah, Dishon, Ezer, se Dishan. Nuna suen la nononga kariimet nunga supuling ko bagakasan.

22Se Lotan ko kuriang kari ilagala, Hori se Homam. Lotan ko koras mu Timna.

23Se Shobal ko kuriang kari mu Alvan, Manahath, Ebal, Shepho, se Onam.

24Se Zibeon ko kuriang kari mu Aiah, se Anah. Se Ana mu sor garagarayam mu te yu kowar aratuwaram se arigam, nu nuet Zibeon ko donkey nunga bitaruwa se arigam.

25Se Anah ko kuriang ilagala: Dishon mu kari, se Oholibamah mu imet, nu udagi Esau ko nuwus aram.

26Se Dishon ko kuriang kari mu Hemdan, Eshban, Ithran, se Keran.

27Se Ezer ko kuriang kari mu Bilhan, Zaavan, se Akan.

28Se Dishan ko kuriang kari ilagala mu Uz, se Aran.

29Se Hor kariimet nunga kari supuling nunga nunup mu iwita: Lotan, Shobal, Zibeon, Anah, Dishon, Ezer, se Dishan. Nuna Edom sor te bagakasan.

Edom kariimet nunga king

31Israel alo nunga king mena tom te, king imi Edom sor bitarukasan: 32Motam motam Bela, nu Beor, Dinhabah kari, wore ko kuriang. 33Bela kueram mu te Jobab ko kuwim tam, Jobab ko nuet nu Zerah, Bozrah wonong ko kari bo. 34Jobab kueram se Husham, Teman kari, ko kuwim tam. 35Udagi Husham kueram, se Hadad, Bedad ko kuriang, wore ko kuwim tam. Noko wonong duap Avith. Hadad Midian kari nongorak kageraram, Moab sor te, ale nunga kiaram. 36Hadad kueram se Samlah ko kuwim tam. Samlah ko wonong duap mu Masrekah. 37Samlah kueram se Shaul ko kuwim tam. Shaul mu Rehoboth kari, Rehoboth wonong mu Yu Euphrates duap te. 38Shaul kueram se Baal-hanan, Acbor ko kuriang, noko kuwim tam. 39Baal-hanan, Acbor ko kuriang, kueram se Hadad ko kuwim tam. Hadad ko wonong duap Pau. Nu Mehetabel, Matred ko nanawus, tam. Se Matred mu Me-Zahab ko nanawus.

40Imi Esau ko gue te nunga kari supuling arataman: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, se Iram. Kari imitang Edom kariimet nononga supuling. Edom mu Esau ko nup bo, se Esau mu Edom kariimet nononga taleng girigir. Nuna suwan suwan nunga kariimet se nunga wonong ago, se nuna mu supuling bagakasan.